eDCINEMA: Cara o Espazo Dixital Europeo. O papel das cinematografías pequenas en v.o.

Dende a perspectiva das industrias culturais e creativas, o cinema destácase como un dos territorios máis representativos para a innovación e a aplicación de tecnoloxías dixitais, tanto a nivel de producción como de difusión das obras. Porén, ao ter que enfrontar un entorno audiovisual moi competitivo a nivel mundial, o tránsito cara o dixital trae consigo un horizonte incerto para a gran mayoría das cinematografías europeas.
Os actuais programas europeos para a cinematografía fan referencia á súa contribución á diversidade cultural e lingüística, sinalándoa como un activo para superar a fragmentación. Ao tempo, constátanse deficiencias estructurais vencelladas ás súa circulación e posta en valor.
Partindo da hipótese de que a versión orixinal é un indicador inequívoco da existencia dun universo europeo plural composto por pequenas cinematografías, e de que a migración dixital facilita o intercambio, a accesibilidade e as novas modalidades de consumo, a investigación evidenciará:
a) que medidas deben contemplar os programas de políticas públicas que pretendan transformar as ameazas do novo escenario nunha oprotunidade para a visibilidade e o incremento do valor de uso e de cambio do cinema en v.o.
b) que elementos deben considerarse para que a diversidade creativa sexa, ao mesmo tempo, unha marca para a súa proxección internacional.