Doutora en Comunicación e Información Contemporánea pola Universidade de Santiago de Compostela  é licenciada en Comunicación Audiovisual e en Xornalismo. A súa traxectoria profesional combina a xestión de proxectos de I+D+i, coa produción e edición de obras audiovisuais (para Continental Producións, 2004; Producións Zopilote, 2005; Nós, Produtora Cinematográfica Galega, 2005, 2008, 2012), a redacción e edición de programas informativos de televisión (CRTVG, 2006-2010) e o xornalismo e a xestión cultural.

Membro do Grupo de Estudos Audiovisuais da USC desde 2009, nos últimos anos colaborou como investigadora e xestora en diferentes proxectos competitivos , tales como EU- VOS. Patrimonio Cultural Inmaterial. Para un Programa Europeo de Subtitulado en Linguas non Hexemónicas ( MINECO- AEI; CSO2016-16014- R); Cara ao Espazo Dixital Europeo. O papel das pequenas cinematografías en versión orixinal ( MINECO. CSO2012-35784) Cinema, Diversidade e Redes (MINECO. CSO2009-13702) ou Lusofonía, Interactividade e Interculturalidade (INCITE08 PXIB212124 PR). Centra as súas liñas de investigación no estudo das narrativas cinematográfica e televisiva, o estudo sistémico do audiovisual, particularmente o cinema, e a análise crítica da representación nacional nos medios de comunicación.