Actualidade
Novas e Axenda Bota un ollo á actividade do GEA

O simposium sobre a impronta de Wenceslao Fernández Flórez no cinema español celebrarase en Santiago e A Coruña os días 27 e 28 de marzo

29/01/2014

Como xa anunciaramos, o Proxecto de Investigación “Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez” celebrará a comezos da primavera un simposium internacional dirixido polo propio Investigador Principal, José Luis Castro de Paz, no que destacados investigadores do cinema e a literatura reflexionarán sobre a decisiva relación da obra de Fernández Flórez coa configuración de certos modelos de estilización no cinema español das dúas primeiras décadas posbélicas.
O encontro levará por título “Costumismo, humor, melancolía, reflexividade: Impronta de Wenceslao Fernández Flórez no cinema español” e estará organizado polas Universidades de Santiago de Compostela e A Coruña, o Concello da Coruña, a Deputación da Coruña e o Centro Galego de Artes da Imaxe. Deste xeito, a inauguración será o xoves 27 de marzo en Santiago de Compostela, clausurándose o venres 28 na Coruña.
Por outra banda, ademais de servir como eixe fundamental do Proxecto de Investigación, o simposium consistirá nun dos eventos centrais da conmemoración do cincuentenario do pasamento do escritor coruñés.
Proximamente ampliaremos estas informacións co programa completo e as instrucións para a inscrición.

MÁIS NOVAS
Roi Méndez e Rocío del Pilar Sosa presentan The White Book for teaching through virtual TV sets
A comunicación na Open Universiteit tivo lugar o 8 de marzo.
14/03/2024

A conferencia Cloudclass: Innovative teaching with virtual studio technology tivo lugar o pasado 8 de marzo de 2024 na Open Universiteit (Heerlen). Educadores, expertos técnicos e estudantes reuníronse coa fin de afondar no ámbito da tecnoloxía inmersiva e nas súas aplicacións na educación. O evento, que marcou a culminación do proxecto CloudClass: Low Cost, Mobile, […]

Seguir lendo
Margarita Ledo Andión recibe o XII Premio de Igualdade “Ernestina Otero” 
A Catedrática recollerá este recoñecemento o vindeiro venres 15 de marzo.
07/03/2024

O Concello de Vigo e o Consello Municipal da Muller entregarán o Premio de lgualdade ”Ernestina Otero” á Catedrática emérita e membro do Grupo de Estudos Audiovisuais, Margarita Ledo Andión. A entrega do premio honorífico realizarase no transcurso dunha gala que terá lugar o venres 15 de marzo ás 20:00 horas no salón de recepcións […]

Seguir lendo
Aberta a inscrición para a décima edición do CO(M)XÉNERO. Imaxes do delito.
O seminario terá lugar nos días 8 e 9 de abril na Facultade de Cc. da Comunicación.
26/02/2024

Os días 8 e 9 de abril de 2024, a décima edición do CO(M)XÉNERO, organizada polo Grupo de Estudos Audiovisuais (GEA), aborda as prácticas fotográficas feministas, os espazos nos que se producen, as posicións dende as que se enuncian e os seus mecanismos de visibilización. Pilar Aymerich, Premio Nacional de Fotografía 2021, capturou coa súa […]

Seguir lendo
© 2024 Estudos Audiovisuais